Boka fortel om fjella Hurrungane i Jotunheimen, og om kvinnfolk som har levd med dei, klatra mot dei, eller ikkje brydd seg om dei. Sigri Sandberg har leitt langt attende i vår fjellhistorie for å spore opp nokre av kvinnene. Var alle jegerar i vikingtida menn? Når byrja kvinner å klatre? Sandberg fortel om korleis Norges flottaste alpine fjellområde vart til, om mytologi og jotnekvinner, fangst og budeier. Ho skriv om romantiseringa av fjella på 1800-talet, om framveksten av moderne fjellsport, og om kvinner i skjørt på veg mot toppane. Sigri Sandberg er journalist og forfattar, og har skrive mellom andre Polarheltinner (2012), Klimaboka (2011) og Vindtrollet (2015), i tillegg til fire bøker i samarbeid med polfarar Cecilie Skog.
