Morfar fortel ei historie til søskena Ivar og Stine. Den handlar om Steinar Foten som bur saman med mor si og søstera Åshild. Åshild lever i si eiga verd, og ho torer ikkje å gå ut av huset enda ho er 15 år. Ei natt hamnar Steinar i den same underlege draumeverda. Det syner seg at Åshild sit fast i ein merkeleg skog. Steinar må få tak i Vekkarmannen, den einaste som kan hjelpe dei. Dette er ei historie om å drøyme og flytte på seg i det umedvitne. Morfar si forteljing blir vegen til undring og oppleving saman med Ivar og Stine og gjennom dette får óg lesaren del i teksten. Boka er stramt komponert og har korte tekstar på kvar side og ein tekst som inneheld mange replikkar. Hilde Kramer sine svart-kvite-illustrasjonar er med på å underbyggje den spesielle stemninga. Samlaget, 2002.
