Norsk (nynorsk)

To barn og ein katt sit på ei trapp og filosoferer. Det handlar om røynda og universet, stort og smått, og at det finst utruleg mange slags egg. På tur ut i naturen blir fortid og framtid, vitenskap og fantasi levande og nær. Dikt for småskole-/mellomtrinnet. Omtalen er utarbeidd av BS.

På ei trapp i universet

Novellesamlinga "Enno var dei kroppar" handlar om menneske som er undervegs. Mange av dei er på vandring som eit resultat av klimakrisa, politiske konfliktar eller sosiale og økonomiske ulikskapar. Nokre er allereie komne fram, andre slit med å kome seg vidare. Forteljingane gir oss eit innblikk i korleis livet til millionar av menneske artar seg. Vi møter mellom anna ei kvinne som finn ein baby i ein park og ei bestemor som risikerer å bli skilt frå barnebarna sine når dei kryssar ei landegrense. Vi blir òg kjende med ei jente som søkjer tilflukt hos ein framand stamme. Då skogen vart invadert, vart stammefamilien hennar splitta. Historiene til menneska i boka er prega av brutalitet og svik, men dei inneheld òg omsorg og glimt av håp. Marit O. Kaldhol har teke imot fleire prisar, og ho har skrive bøker i dei fleste sjangrar for både vaksne, barn og unge. Omtalen er utarbeidd av BS.

Enno var dei kroppar

Vi følger Rut på reise til Chile i 2017. Endeleg skal ho bli kjent med landet til ungdomskjærasten Luis, som kom til Noreg som flyktning frå militærdiktaturet i Chile i 1980-åra. Minna tar henne med tilbake i tid, på ei reise gjennom skjelsettande hendingar i chilensk samtidshistorie og til åra dei to hadde saman. Til då det berre var dei to, Rut og Luis, og ho ikkje såg kva politikk hadde med kjærleiken å gjere. Medan Rut prøver å forstå korfor det gjekk som det gjekk, både med Chile og kjærasten, kjem opplevingar frå hennar eigen barndom nærare enn på lenge. Omtalen er utarbeidd av BS.

Ta først på di eiga maske

Susan flyttar til byen for å gå på danselinja på vidaregåande. For Susan er alt nytt, men no skal sjølvstendige Susan fri seg frå masete foreldre og alt det gamle. No skal ho berre danse, danse alt frå antilopesprang, arabesk og piruettar. Det skal bli eit nytt liv. Men ho skjønar ikkje kvifor dei andre jentene ikkje snakkar med henne, og kva med han guten som kjem nær, eller kva med han med lause skolisser som smell i golvet, eller kvifor hybelvertinna bryr seg. Susan ser på kart over nattehimlane. Mange stjerner er del av eit større bilete, medan andre sviv omkring åleine i utkanten. Forteljing for ungdomstrinnet. Omtalen er utarbeidd av BS.

Z for sorry

Alarmen går, og ungdomsskulen blir evakuert på grunn av ein livsfarleg gasslekkasje. 10. klassingane Lill Miriam, Susan og Ruben opplever den dramatiske situasjon på kvar sin måte. Lill Miriam tenkjer heilt annleis enn dei andre. Ho som er så oppteken av at honningbiene forsvinn, er plutseleg sjølv forsvunnen. Susan har ein vond løyndom ho ikkje klarer å gløyme. Ruben er ny i landet og har berre ein venn, Lill Miriam. Ulike tankar og ulike minne fer gjennom hovudet på dei tre ungdommane. Les om korleis liva deira er knytta saman, kva som er sanning, og kva som er løgn, kven som er modig, og kven som er feig, og kven som er tøff nok til å stå på for det ein kjenner er rett. Fortelling for ungdomstrinnet.

Zweet

Om nettene sit Mikke ved pc-en. Mamma og Idar reiser på ferie til Chile. Kompisane er i gang med russefeiringa. Siri sender teksmelding, men Mikke svarar ikkje. Han les om små skjelpadder som driv tilfeldig omkring i havet. Nokre klarer seg, andre ikkje. Dette er ei forteljing om ein ung gut som tek livet sitt, men mest av alt handlar den om kvifor livet er verdt å leve. Boka er i tre delar: dagboknotata til Mikke, mora sine minne og brev til Mikke frå venner. Ei sterk og viktig historie om ein ung gut som tar uopprettelege, eksistensielle val. Forteljng for ungdomstrinnet.

Søkeord: ayotzintli

Denne samlinga inneheld eit knippe dikt, og handlar mykje om ein kvinneleg roar. Dikta er ein rotur gjennom tid, sakn, sorg og glede. Det handlar om å finne eit feste eller eit ugangspunkt i seg sjølv og sitt eige liv, bli kjend med sin situasjon og sine tildriv og tilknytningar. Nynorsk tekst. Dikt for mellom-/ungdomstrinnet.

Ho som ror

Dette er ei samling med 8 noveller der hovudpersonen ikkje alltid skil mellom fantasi og røynd. Mange unge vil kunne kjenne seg att i novellene da dei ofte tek utgangspunkt i skrekk- eller lystfantasiar, kjensler mange kan oppleve i byrjinga av tenåra. Nynorsk tekst. Noveller for mellom-/ungdomstrinnet.

Kino

Forteljing. Vesle Selma har ein kosekanin som kommer frå Tyskland. Den har brune auge og gul mage. Ho elskar kaninen sin. Selma gir kaninen eit egg å ruge på i dokkesenga, for ho vil så gjerne ha ein kylling. Selma har planar om å reise med kaninen til Hamburg for å besøke familien til kaninen, men då er det best å vere tre, meiner Selma. Men først må kaninen ruge ferdig. Selma ventar og ventar. Ho kjenner på egget iblant, men det er ikkje så varmt, kan hende kaniner ikkje er like flink til å ruge som høner. Nynorsk tekst. Biletbok for førskulebarn.

Marit Kaldhol

Som forfatter

Emner knyttet til Marit Kaldhol

Kontakt

Om biblioteket

Nettstedet

Kontakt

Om biblioteket

Nettstedet

Marit Kaldhol

Som forfatter

På ei trapp i universet : dikt

Enno var dei kroppar : noveller

Ta først på di eiga maske : roman

Z for sorry : roman

Zweet

Søkeord: ayotzintli

Ho som ror : dikt

Kino : noveller for ungdom

Reisa til H.

Emner knyttet til Marit Kaldhol

Kontakt

Om biblioteket

Nettstedet